مشاكل الشعر وحلولها

مشاكل الشعر مثل التقصف والتلف والخشونة والتساقط الي اسبابها هواية والماء سبب رئيسي بالاضافة الى استعمال المواد غير الجيدة.
حبينه نحجيلج شوية معلومات عن معالجات الشعر الي تفيد وتعالج شعرج.. الكل يسمع عن معالجات الشعر والانواع الي متوفرة بالاسواق بأسعار رخيصة وقليلة الجودة الي مو معقول تعالج شعرج وتنطيج النتائج المطلوبة. لازم تختارين نوع المعالج الي يناسب شعرج لان اكيد كل نوع شعر يختلف عن الثاني من حيث تجعده وخشونته ونعومته ولونه.
اهم شي لازم المعالج يحتوي على المواد الطبيعية والبروتينات والفيتامينات الي تفيد شعرج وتبتعدين عن المواد الكيميائية الي تضره وتسبب تلفه والي اكثرها للاسف موجود بمعالجات الشعر التجارية قليلة الجودة.
المواد الطبيعية الي تفيد الشعر الباهت والتعبان وتقوي وتنطي كثافة ونعومة وترطيب والي يحتاج تتاكدين من وجودها بمعالج الشعر من تشتري هي: الفانيلا، الالوفيرا، زيت جوز الهند، زيت الزيتون، زيت بذرة الكزبرة، زيت ابرة الراعي، الافوكادو، الكيراتين، الكافيار، والبروتكس الي هو معالج ثلاثي يحتوي على (الكولاجين، الكيراتين، والهيالورونيك اسيد) وغيرها.
هنا تنتهي فقرة معلومة مع شغلاتي.
العناية ببشرة وشعر الاطفال
...
Leave a comment
Note: HTML is not translated!